بخت مو بی پی پتی سيت ايجکس سر خار غم

گل خه نونم اسب عشقت سی چه ايطو کرده رم

خت بيو بالی سرم تا وانشوني ای عطش

نونه کن من غار دل تا ايتري چی گنج مش

چی بهوني بی خلالم تشک افتو من سرم

بی پلت دلمه نبهسي باد غم هی ايبرم

درد ای دل بی کسم جز تی تو تی کس نيبرم

نوش دارو جز و چشم نازنینت نيخرم

ايسو تا هر لحظه اومي پايلت سر چشملم

هر چه دارم غیره تهنايي همش هم سی گلم....

ای دنا دونی که دونم خم و خت نیمه ی همیم

سال عمره وی درازی مبتلي برفل غمیم

چی و ای غهمل نکرده تشک افتو بختمون

سيچه ايطو چرخنايه چرخ گردون چرخمون

نای ويساين نیارم ای دنا مو بی ستونم

هر چه ايخم وش بگم گهپل دلم تا بی زهونم

ای دنا وابی سفي ای سر و داغ دلبرم

کی ايايي تا نریزه گل و داغت خرسلم

با سپاس فراوان اسداله زمانی (خلمر)

سر زوني خم وريسم بزنم دلمه و او

نکنه ای دلم وابويه د آموخته ی شو

بزنم گپ دله آخر مو و ای گوشل کر

و رول کردنه پازن قرب داره بز گر

یه بشر نيسه وريسه من اي مال و خو

تشه بی دی د نهانه من جونه بنیو

غضبی سه د یهو بهسه و من جون ولات

د نیا دل بی دلم تا برويمون و قلات...

با سپاس فراوان اسداله زمانی ((خلمر))